ليتني طفله وهمي لعبتي
ليتني طفله تصاحبني ابتسامتي
ليتني طفله لاتفارقني ضحكتي
اعلم انه حلم بعيد المنال
واعلم انني لست طفله
ولكن ما المانع من التمني
حتي ولو كانت هذه الأمنيه مستحيله
عندما تنظر الي طفله في يدها عروستها
وتداعبها وتتخيلها شخصاً تلعب معه
يدور بينها وبين عروستها حوار
يكشف لك عن براءه الاطفال
ويجعلك تتمني من قلبك ان تصبح طفلاً
ليتنا جميعا اطفال
لما ساد بيننا حقد ولا كراهيه
لما ساد بيننا غل ولا طيقيه
ليتني عندما انظر اليك اجد براءة الاطفال في عينيك
هلي تتمني انت ايضا ان تصبح طفلاً ؟
أول زيارة لمدونتك واكيد مش هتكون الاخيرة
ردحذفعارفة فعلا
كلنا بنتمنى نرجع اطفال مفيش فى دماغنا حاجة غير لعبنا واحلامنا البسيطة
بس لو تفاكرى اننا واحنا صغيرين برضه كنا نفسنا نبقى كبار وكنا بنقعد نتحشر فى حاجات الكبار
ههههههههه
زى ما تقولى كده محدش عاجبه حاله
بس عامة كل مرحلة ليها مزاياها وليها عيوبها واحلى حاجة اننا نعيش كل لحظة فى حياتنا ونستمتع بيها على قد ما نقدر
بوست جميل ومستنين جديدك
دمتى مبدعة
اتمني يا جميل متكونش الاخيره
ردحذفلانك عارفه اني بحترم ارائك جدا
وبعدين احنا هنيجي ايه جنب ابداعاتك ياقمر
نورتي مدونتي واتمني تنوريها دايما
وانا كمان بتمني والله!
ردحذفخصوصا الفترة الأخيرة ..قلت الكلمة دي كتير أوي
فعلا حياة الأطفال جميلة وكلها براءة ..وراحة بال
ليت الماضي يعود ..
دعونا نتمني فقط بهدف التمني!
تسلمي سندريلا
تحيتي؛
أحمد فتحي
ممتازه سندريللا
ردحذفيا ليتنا نكون اطفال من حيث جمال برائتهم وروعه خيالاتهم واحلامهم وهدوء تفكيرهم ونقاء وجدانهم ورقه عاطفتهم و صفاء قلبهم
ولكن اعود لاقول يا ليتنا نظل شبابا لنحتفظ بقوتنا ونسعد بهمتنا ونحقق طموحاتنا
واخيرا اتمنى ان يمضى الوقت سريعا لنصبح شيوخا نتمتع بحكمتنا و رزانه عقولنا
ولكن كم هو جميل ان تحيا شبابا يتمتع بكل تلك الصفات حينها ستجبرنى ان اطلق عليك اسم " ملاك "
تحياتى الخاصه لكى سندريللا
رساله من مجهول/ة
احمد فتحي
ردحذفودي امنيتنا كلنا والله
بس فعلا علي رأي الوان محدش بيعجبه حاله واحنا صغيرين كنا بنقول نفسنا نكبر بقي ودلوقتي نفسنا نبقي اطفال
بس لو نفضل في سننا بس ببراءة الاطفال !!
اسعدني مرورك يادكتور
مجهول؟ة
ردحذففعلا هي كل مرحله ليها ميزات
ولكننا للأسف مبنقدرش نجمع بين مميزات كل المراحل
يعني زي ماحضرتك قلت نفضل شباب ويكون عندنا نفس براءة وطيبة الاطفال وكمان يكون عندنا حكمة ورزانة الشيوخ
اسعدني مرور حضرتك جدا