قلمي الاحمر
زمان كان ممنوع نكتب بقلم احمر
عارفين ليه ؟!
عشان المدرس كان بيزعل لو لقي حد بيكتب في كراستك بالقلم الاحمر غيره
لانه كان بيصححلك بيه
دلوقتي احنا كبرنا ولا بقي في كراسه ولا بقي في حد بيصححلنا
فكرت اني اجيب قلمي الاحمر
تفتكرو هعمل بيه ايه ؟؟؟؟!!!!!
هجيب حياتي بكل سنينها
بحلوها ومرها
بغلطاتي بمكافأتي
بتفكيري بقراراتي
بفشلي بنجاحاتي
حياتي بكل حياتي
وهصححها !!
ايوه هصححها
وهكون صادقه مع نفسي جدا
لان دي حياتي وده قلمي ومحدش هيخسر قدي لو جاملت نفسي
وياتري هنجح ؟
ولا هجيب تقدير عالي ؟
ولا هعدي بالعافيه ؟
سألت نفسي كتير وقلت هحير نفسي ليه
مانا هعرف النتيجه دلوقتي
وكانت النتيجه
.
.
.
.
.
.
.
.
.
.
.
.
.
.
يااااااااااااه
انا عايشه بقالي كتير اوي
بقالي 19 سنه عايشه في الدنيا دي وعمري مافكرت احاسب نفسي
او يمكن فكرت بس كنت بجامل
وفعلا صححت حياتي
واحتفظت بالنتيجه لنفسي
بس جيت اقوللكم عشان انتو كمان تشترو قلم احمر
ولا ليه تشترو
ادي علبة اقلام حمرا كل واحد ياخد قلم
ويشوف هيجيب كام في كللللل حياته اللي عاشها
اتمني تكونو كلكو ناجحين
مش لازم تعرف نتيجتك للناس
خليها لنفسك
بس المهم هتغير ازاي بيها نفسك ؟؟
وهو ده الهدف
جرب ومش هتندم ومش هتخسر ده حتي القلم انا جبتهولك
وحياتك اهيه قدامك . . . . . . . . . . . .
eshta y wezza .. entaleqi b2a ..! ;D
ردحذفmonety b 7alha mnawarany :D
ردحذفthnx ya 2alby wallahy
a5galtom twado3na :D
فعلا فكره جامده جدااا بس اهم حاجه فيها اننا نكون صادقين مع نفسنا
ردحذف